पशुसंवर्धन विभागातील जिल्हा परिषद अंतर्गत काम करणाऱ्या, अंशकालीन 18 कर्मचाऱ्यांचा गेली आठ महिन्यापासून पगार रखडला होता. या प्रश्नासंदर्भात शिवसेना जिल्हाप्रमुख महेश चिवटे यांच्या नेतृत्वाखाली, जिल्हा परिषदेचे मुख्य अधिकारी कुलदीप जंगम यांची भेट घेऊन हा प्रश्न मांडण्यात आला. यावेळी गुरुवारपर्यंत सर्व 18 कर्मचाऱ्यांचा पगार करमाळा पंचायत समिती कडे वर्ग करू, असे आश्वासन कुलदीप जंगम यांनी दिले आहे. या शिष्टमंडळात एम. ए. बाराव, ए. एफ. तांबोळी, एस. व्ही. गोरे, एस. एस. सावंत, आर. टी. शिंदे, व्ही. एल. पाटील, वारजे बी.बी., पवार बी. एन., चोपडे बी.एम., जी.शेख, एन.डी. शेख असे 18 कर्मचारी समाविष्ट होते.
या अंशकालीन कर्मचाऱ्यांना 24 तास काम करून केवळ 60 टक्के पगार दिला जातो. हा प्रश्न शासन दरबारी प्रलंबित असून या सर्व कर्मचाऱ्यांना शंभर टक्के वेतनवाढ द्यावी. याचा ही प्रस्ताव मुख्य कार्यकारी अधिकारी कुलदीप जंगम यांनी तयार करून, शासनास पाठवण्याचे आदेश संबंधित कर्मचाऱ्यांना दिले. हा प्रस्ताव सादर झाल्यानंतर मुख्यमंत्री एकनाथ शिंदे तात्काळ या कर्मचाऱ्यांचा प्रश्न मार्गी लावून, 24 तास काम करणाऱ्यांना उर्वरित 40 टक्के पगार वाढ देतील. असा विश्वास महेश चिवटे यांनी व्यक्त केला आहे.
Post a Comment