करमाळा खरेदी विक्री संघाचे 'चेअरमन व कृषी उत्पन्न बाजार समितीचे सदस्य शंभुराजे जयवंतराव जगताप यांचे विरुध्द पोलीस कारवाईस विरोध केला, अडथळा आणला व धमकी दिली. या कारणावरुन गुन्हा दाखल झाला होता. त्यामधुन बार्शी येथील "मे. अतिरिक्त सत्र न्यायाधीश व्ही.एस. रेड्डी मॅडम यांनी त्यांची जामीनावर मुक्तता केली. 'शंभुराजे जगताप हे माजी आमदार जयवंतराव जगताप यांचे चिरंजीव आहेत. तारीख २९/०३/२०२५ रोजी मौजे बोरगांव, "ता. करमाळा हद्दीत गावातील अक्षय विठ्ठल शिंदे वगैरे लोक सिना नदीच्या पात्रातुन वाळू नेत असता, त्यावेळी पोलीस तेथे आले, ते कळल्या नंतर शंभुराजे जगताप तसेच इतर दोघे जण तेथे आले. व पोलीसांना धमकी दिली. त्याचप्रमाणे सरकारी कामात अडथळा आणला. अशा प्रकारची फिर्याद पोलीस कॉन्स्टेबल अमोल शहाजी रंदील यांनी दाखल केली होती.
शंभुराजे हे दिनांक 4 ऑगस्ट २०२५ रोजी पोलीसांपुढे हजर झाले. व त्यांनतर त्यांनी ॲड. भारत कट्टे यांचे मार्फत बार्शी येथील सेशन कोर्टात जामीनासाठी अर्ज दाखल केला. ॲड. भारत कट्टे यांचा युक्तीवाद 'ग्राहय धरुन मे. न्यायालयाने शंभुराजे जगताप यांची आज दिनांक १४ ऑगस्ट २०२५ रोजी जामीनावर मुक्तता केली. यात शंभुराजे जगताप तर्फे ॲड. भारत कट्टे ॲड. नवनाथ राखूंडे (करमाळा) ॲड. गणेश जगताप (बार्शी) यांनी काम पाहिले.
Post a Comment