सध्याच्या आधुनिक युगामध्ये चोरी करण्याचे नवनवीन प्रकार चोरांकडून दिसून येत आहेत. त्याच पार्श्वभूमीवर सध्या अनेक ठिकाणी ड्रोन फिरत असलेले निदर्शनात आलेले आहेत. यामुळे नागरिकांमध्ये भीतीचे वातावरण असून, समाज माध्यमातून उलट सुलट चर्चा सुरू आहेत. याच अनुषंगाने काल रात्री हे संबंधित ड्रोन करमाळा तालुक्यातील मांगी, खांबेवाडी, हिवरवाडी, दिलमेश्वर परिसरात दिसून आलेले आहेत. व यासंबंधी ग्रामस्थ व नागरिकांनी संघर्ष न्यूजशी बोलताना याविषयी दुजोरा दिलेला आहे. वरील गावांवरती संध्याकाळच्या वेळी घिरट्या घालणारे ४-५ ड्रोन ग्रामस्थांच्या नजरेस आलेले आहेत. सदरचे ड्रोन गावचे पोलीस पाटील, प्रतिष्ठित नागरिक तसेच तरुण व अबालवृद्धांनी पाहिलेले आहेत. या संपुर्ण प्रकाराची माहिती देण्यासाठी संघर्ष न्यूजचे प्रतिनिधी प्रविणकुमार अवचर यांनी करमाळा पोलीस निरिक्षक विनोद घुगे यांना संपर्क साधण्याचा प्रयत्न केला असता, पोलीस निरिक्षक घुगे यांच्याशी संपर्क होऊ शकला नसल्याचे अवचर यांनी माहिती दिली आहे.
आकाश शिंदे (पोलीस पाटील, मांगी गाव)
प्रकाश राक्षे (पोलीस पाटील, दिलमेश्वर)
Post a Comment