करमाळा-
करमाळा तालुक्यातील सर्वसामान्य जनता हे माझं एक कुटुंब आहे. करमाळ्यासह सर्व मतदार संघातील विविध विकास कामांच्या माध्यमातून सातत्याने संपर्क ठेवत सर्वसामान्य जनतेच्या प्रश्नांची सोडवणूक प्रामाणिकपणे केलेली आहे. देशाचे प्रधानमंत्री नरेंद्र मोदी यांना तिसऱ्यांदा प्रधानमंत्री करण्यासाठी, व आपल्या भागाच्या सर्वांगीण विकासासाठी राज्याचे उपमुख्यमंत्री देवेंद्र फडणवीस यांच्या नेतृत्वाखाली, मला येत्या लोकसभा निवडणुकीसाठी आपण पुनश्च एकदा संधी द्यावी. व ती आपण द्याल! असा आत्मविश्वास खा. रणजीतसिंह नाईक निंबाळकर यांनी करमाळा येथे व्यक्त केला. यावेळी कार्यक्रमाचे अध्यक्षस्थानी जिल्हा भाजपाचे अध्यक्ष चेतनसिंह केदार, भाजपाच्या महिला प्रदेश उपाध्यक्ष व साखर संघ संचालिका रश्मी बागल, जिल्हा भाजपा युवा नेते व मकाईचे माजी चेअरमन दिग्विजय बागल, विद्या विकास मंडळाचे सचिव व आदिनाथचे प्रशासकीय संचालक विलासराव घुमरे, जिल्हा सरचिटणीस गणेश चिवटे, भाजपा तालुकाध्यक्ष रामभाऊ ढाणे, भाजपाचे राज्य निमंत्रित कार्यकारणी सदस्य दिपक चव्हाण आदी मान्यवर यावेळी उपस्थित होते. आज करमाळा येथील भाजपा प्रदेश महिला उपाध्यक्ष व साखर संघ संचालिका रश्मीदिदी बागल यांच्या निवासस्थानी खा. निंबाळकर यांनी सदिच्छा भेट देऊन, करमाळा तालुक्यातील आदिनाथ कारखाना, मकाई कारखाना, जिल्हा परिषद, पंचायत समिती, नगरपालिका, मार्केट कमिटी, जिल्हा दूध संघ या मधील सर्व आजी-माजी संचालक, सदस्य, भारतीय जनता पक्षाचे सर्व पदाधिकारी, कार्यकर्ते यांच्या उपस्थितीत संवाद मेळावा संपन्न झाला. यावेळी प्रारंभी लोकनेते स्व. दिगंबररावजी बागल यांच्या प्रतिमेचे पूजन खा. निंबाळकर यांच्या हस्ते संपन्न झाले. प्रास्ताविक मकाईचे माजी चेअरमन व भारतीय जनता पक्षाचे जिल्हा युवा नेते दिग्विजय बागल यांनी केले. आपल्या भाषणातून त्यांनी खा. निंबाळकर यांनी मतदारसंघांमध्ये विशेषतः करमाळा तालुक्यामध्ये विविध विकास कामांसाठी भरघोस निधी दिला. व त्यांचा सातत्याने असलेला जनतेशी संपर्क ही त्यांची मुख्यतः जमेची बाजू आहे. येत्या लोकसभा निवडणुकीत त्यामुळे जनता आणि मतदार त्यांच्या पाठीशी खंबीर उभा राहील. व आम्ही सर्व पदाधिकारी राज्याचे उपमुख्यमंत्री देवेंद्र फडणवीस यांच्या मार्गदर्शनाखाली व रश्मीदिदींच्या नेतृत्वाखाली करमाळा तालुक्यातून जास्तीत-जास्त मताधिक्य देऊन, त्यांना विजयी करण्यासाठी कटिबद्ध आहोत असे अभिवचन दिले.
Post a Comment