घारगाव ग्रामपंचायतच्या नूतन सरपंच पदी माजी आमदार नारायण पाटील गटाच्या सौ. लक्ष्मी संजय सरवदे यांची बिनविरोध निवड झाली आहे. घारगाव ग्रामपंचायत सरपंच पदासाठी ८ मार्च रोजी निवडणूक झाली. या निवडणुकीत सौ. लक्ष्मी संजय सरवदे यांचा सरपंच पदासाठी एकमेव अर्ज आल्याने त्यांची बिनविरोध निवड करण्यात आली. यावेळी जगताप-शिंदे गटाचे उपसरपंच सतीश पवार तसेच मा. आ.नारायण पाटील गटाचे सदस्य माजी सरपंच लोचना पाटील, ग्रामपंचायत सदस्य कविता होगले, सदस्य आशा देशमुखे, माजी सरपंच अनिता भोसले, सदस्य दत्तात्रय मस्तुद आदीजन उपस्थित होते. या सर्वांनी सौ. लक्ष्मी संजय सरवदे यांची बिनविरोध सरपंच पदी निवड केली आहे.
सदरील निवड ८ मार्च या जागतिक महिला दिनी घेण्यात यावी. अशी लेखी मागणी सर्व सदस्यांनी तहसीलदार समीर माने यांचेकडे केली होती. त्यानंतर तहसीलदारांनी या निवडीसाठी परवानगी दिली. या सरपंच निवडीसाठी निवडणूक निर्णय अधिकारी म्हणून मंडळ अधिकारी अनिल ठाकर यांनी काम पाहिले. सोबत तलाठी मयूर क्षिरसागर तसेच सहाय्यक सोमनाथ खराडे, घारगावचे कर्तव्यदक्ष ग्रामसेवक रवींद्र काळे भाऊसाहेब यांनी काम पाहिले. यावेळी अखिल भारतीय ग्राहक पंचायत तालुका अध्यक्ष एडवोकेट शशिकांत नरुटे, मा. सरपंच किरण पाटील, मा. सरपंच कल्याण होगले व ग्रामस्थ उपस्थित होते.
Post a Comment