करमाळा तालुक्यामधील अनेक कारखानदारांनी शेतकऱ्यांचे ऊस बिल थकवले आहे. नोव्हेंबर महिन्यात गाळपासाठी घेऊन गेलेल्या ऊसाची बिले अजून दिली गेलेली नाहीत. शेतकऱ्यांना जाणिवपूर्वक आर्थिक अडचणीत आणण्याचे काम हे कारखानदार करत आहेत. अतिवृष्टीमुळे झालेले नुकसान तसेच बँक कर्ज या दुहेरी संकटात शेतकरी असताना देखील, कारखानदार मात्र शेतकऱ्यांचे अर्थिक शोषण करताना दिसत आहेत. कारखानदारांनी शेतकऱ्यांचा ऊस गाळपासाठी घेऊन गेल्यावर, पंधरा दिवसात बिल देणे बंधनकारक आहे. तसा नियम गाळप परवाना देताना घालून दिलेला असतो. परंतु कारखानदार मात्र मनमानी पध्दतीने ऊस उत्पादक शेतकऱ्यांची आर्थिक पिळवणूक करत आहेत. मकाई सह. साखर कारखाना, कमलाई साखर कारखाना तसेच भैरवनाथ कारखाना यांनी शेतकऱ्यांची ऊस बिले मोठ्या प्रमाणात थकवले आहे.
Post a Comment