स्वामिनी संतोष पोतदार शालेय ज़िल्हा योगासन स्पर्धेत प्रथम....

करमाळा ता.-प्रतिनिधी (प्रविणकुमार अवचर)
               दिनांक 12-12-22 रोजी ज़िल्हा क्रीडा संकुल सोलापूर येथे संपन्न झालेल्या, शालेय ज़िल्हा योगासन स्पर्धेत सोलापूर ज़िल्हातुन विविध शाळातील, 200 योगासन खेळाडूंनी सहभाग नोंदवला होता. त्यात करमाळ्याच्या त्रिमूर्ती स्पोर्ट्स क्लब करमाळा च्या खेळाडूंनी सहभाग नोंदवला होता. 14 वर्षाखालील मुलीमध्ये आर्टिस्टिक योगासन मध्ये कु - स्वामिनी संतोष पोतदार हिने प्रथम क्रमांक मिळवला. ती कर्मवीर आण्णासाहेब जगताप विदयालयात इ. ६ वी मध्ये शिकत असून, तिच्या या यशामागे योगासनाचे विशेष मार्गदर्शन त्रिमूर्ती स्पोर्ट्स क्लब करमाळा चे योग प्रक्षिशक सागर शिरस्कर सर, सानिका भगत मॅडम, अजय बालशंकर सर, क्रिडा शिक्षक ढेरे सर यांचे लाभले आहे. त्यांच्या मार्गदर्शनाखाली गेली 2 वर्षे स्वामिनी योगासनाचा सराव करत आहे.

              स्वामिनी संतोष पोतदार हिचे विशेष अभिनंदन करमाळा तालुका क्रीडा अधिकारी तानाजी मोरे सर, मुख्याध्यापक कांबळे सर, यश कल्याणीचे गणेश करे-पाटील, प्राचार्य मिलिंद फंड, गटशिक्षणाधिकारी राजकुमार पाटीलसाहेब, नगरसेवक महादेव फंड, डॉ. महेश वीर, नगरसेवक अतुल फंड, जिल्हा शिक्षक पतसंस्था संचालक हनुमंत सरडे, प्राचार्य बाळासाहेब नरारे, सुहास कांबळे, अशोक बरडे, शिवाजी लोकरे, गरजे सर, खारगेसर, सतीष कांबळे, नाना मोहिते, सकाळचे पत्रकार नाना पठाडे यांनी अभिनंदन केले. 

            तिचे करमाळा शहरातुन सर्व स्तरातून कौतुक केले जात आहे. स्वामिनी पोतदार हीचे आई ,वडील ज़िल्हा परिषद प्राथमिक शाळा मांगी या शाळेवर कार्यरत आहेत. या स्पर्धेतून आगामी नगर येथे होणाऱ्या शालेय विभागीय योगासन स्पर्धेसाठी, सोलापूरच्या योगासनाच्या संघाची निवड करण्यात आली आहे. स्पर्धेचे उद़्घाटन ज़िल्हा क्रीडा अधिकारी नितीन तारळकर सर यांच्या हस्ते झाले. स्पर्धेसाठी सोलापूर ज़िल्हा योग परिषदेच्या अध्यक्षा स्नेहल पेंडसे व अधिकृत पंच यांनी सहाय्य केले. वरील सर्व स्पर्धा पार पाडण्यासाठी विशेष सहकार्य क्रीडा अधिकारी नाईकवाडे सर यांचे होते.