उत्तम नवघरे यांच्यावर खुनी हल्ला करणाऱ्या गुन्हेगाराला अटक न केल्यास, सोलापूर जिल्हाधिकारी कार्यालयावर रिपाइं (आ.) युवक आघाडी धरणे आंदोलन करणार....

करमाळा-प्रतिनिधी
             दि. 28/11/2022 रोजी उत्तम नवघरे यांची शेत जमीन हडप करण्याच्या हेतूने प्रकाश वानकर व त्यांच्या टोळीने उत्तम नवघरे यांचे वर प्राणघात हल्ला केला होता. सदर गुन्ह्यामध्ये अपंग व्यक्तीस जबर मारहाण करणे, दलितांची जमीन हडप करणे, राजरोसपणे रिवाल्वर दाखवून जीवे मारण्याचा प्रयत्न करणे, मारहाण करणे अशा प्रकारचा जीव घेणा प्रकार, प्रकाश वाडकर व त्यांच्या टोळीने केलेला होता. याबाबत नवघरे यांनी सदर बाजार पोलीस स्टेशनमध्ये गुन्हा दाखल केलेला होता. या प्रकरणी पूर्वी पोलिसांनी केवळ किरकोळ स्वरूपाचा गुन्हा दाखल केलेला होता. तथापि संघटनेच्या काही प्रतिष्ठित लोकांनी पोलीस स्टेशनला जाब विचारल्या नंतर, फक्त दलित व्यक्तीशी जातीवाचक शिवीगाळ करणे बाबतचे कलम लावून ॲट्रॉसिटी ची वाढ केलेली आहे. सदर फिर्याद पाहता यामध्ये दलित व्यक्तीची जमीन हडप करण्याचा प्रयत्न करणे. यानुसार ॲट्रॉसिटी ॲक्ट कलम 4 फ नुसार कलम दाखल करणे आवश्यक होते. उत्तम नवघरे हे शारीरिक अपंग असल्याने, अपंग व्यक्तीचे संरक्षण कायद्यानुसार कलम दाखल करणे. तसेच फिर्यादीमध्ये रिवाल्वर दाखवून जीवे मारण्याची धमकी दिल्याचे स्पष्ट होत असल्याने, त्यानुसार "आर्म ॲक्ट" लावणे आवश्यक होते. या प्रकरणी भा.द.वि. कलम ३०७ नुसार गुन्हा दाखल करणे गरजेचे होते. परंतु आरोपीला वाचविण्यासाठी केवळ किरकोळ स्वरूपाची कलमे लावलेली आहेत.

              गुन्हा घडून तब्बल एक महिना झाला तरी देखील आरोपी हे मोकाट असून, त्याला अटक देखील केलेली नाही. सदर आरोपी हे अद्याप शहरातच राहून इतर व्यक्तींना आम्ही कायद्यापेक्षा कसे श्रेष्ठ आहोत. असे दाखवून समाजामध्ये दहशत पसरविण्याचे काम करीत आहेत. तरी दिनांक 27/12/2022 पर्यंत सराईत गुन्हेगार प्रकाश वानकर, गणेश वानकर, दत्ता वानकर व विठ्ठल वानकर याच्या टोळीवर वरील प्रमाणे गुन्ह्याचे कलम दाखल करून त्यांना अटक करण्यात यावी. व त्यांच्यावर मोका अंतर्गत कारवाई करण्यात यावी. अन्यथा दिनांक 28/12/2022 रोजी सोलापूर जिल्हाधिकारी कार्यालया समोर धरणे आंदोलन करण्यात येईल. अशा प्रकारचा इशारा निवेदनातुन दिलेला आहे. 

            यावेळी प्रसेनजीत कांबळे, रंजीत कांबळे, बुद्धभूषण घोडके, आदित्य घोडके, शुभम कांबळे, राजरत्न कांबळे, विजय बापू वाघमारे, जमील शेख, आनंद कटारे, विजय कांबळे, ओम कांबळे, स्वप्निल कांबळे, स्वप्नील करण धाकतोडे, सुरज गायकवाड, करण खरात आदी जण उपस्थित होते.