शहरात गत चार वर्षापासून पर्यावरण बाबतीत काम करणाऱ्या वृक्ष संवर्धन समितीच्या एका उपक्रमाची OMG बुक ऑफ रेकॉर्ड मध्ये नुकतीच नोंद झाली आहे. याचे प्रमाणपत्र बार्शी तालुक्याचे प्रथम नागरीक आमदार राजेंद्र राऊत यांच्या हस्ते समितीने स्विकारले. देशाच्या स्वातंत्र्याच्या अमृत महोत्सवाचे औचित्य साधुन ९ ऑगष्ट क्रांती दिनानिमित्त वृक्ष संवर्धन समिती बार्शी मार्फत हर घर तिरंगा, हर घर एक पेड हा उपक्रम राबवण्यात आला होता. यामध्ये वृक्ष संवर्धन समिती मार्फत बार्शी शहर व तालुक्यातील नागरीकांना, तसेच शालेय विद्यार्थ्यांना आपल्या आप्तेष्ठांना पत्र लिहुन एक झाड लावण्याचे आवाहन करण्यात आले होते. या उपक्रमाला बार्शी शहर व परीसरातुन उदंड प्रतिसाद मिळाला. व विक्रमी दहा हजार पंचाहत्तर पत्र बार्शीतील नागरीकांनी आणि विद्यार्थ्यांनी एकाच दिवशी लिहिली. या पत्राद्वारे आपल्या प्रिय व्यक्तिला एक झाड लावण्याची विनंती केली. अशा प्रकारे एकाच दिवसात एका विषयावर पत्र लिहण्याचा एक विक्रम झाला. त्यामुळे याची नोंद ओ.एम.जी.बुक ऑफ रेकॉर्ड मध्ये झाली. बार्शीचे आमदार राजेंद्र राऊत यांच्या हस्ते समितीच्या सर्व सदस्यांनी प्रमाणपत्र स्विकारले. यावेळी पत्रकार सचिन वायकुळे तसेच वृक्ष संवर्धन समितीचे सर्व सदस्य मोठ्या संख्येने उपस्थित होते.
Post a Comment