चिखलठाण येथील श्रीम. रामबाई बाबुलाल सुराणा विद्यालय, येथे दि. 22/9/2022 रोजी कर्मवीर भाऊराव पाटील प्रतिमापूजन व मिरवणूक कार्यक्रम शाळेत पार पडला. त्याच अनुषंगाने दि. 23 सप्टेंबर रोजी प्रा.गणेश करे-पाटील यांचा व्याख्यानाचा कार्यक्रम संपन्न झाला. या कार्यक्रमासाठी विद्यालयातील स्थानिक स्कूल कमिटीचे ज्येष्ठ सदस्य संदिपान तात्याबा बारकुंड हे अध्यक्षस्थानी होते. या कार्यक्रमासाठी प्रमुख वक्ते गणेश करे-पाटील हे होते. तर प्रमुख उपस्थिती राजेंद्रकुमार बारकुंड स्थानिक स्कूल कमिटी तथा मा. जि.प.उपाध्यक्ष, धुळाभाऊ कोकरे, श्रीपाल गव्हाणे, चंद्रकांत सुरवसे, जैनुद्दीन सय्यद, अतुल मारकड, औदुंबर मोरे इ. मान्यवर उपस्थित होते.
कार्यक्रमाचे प्रास्ताविक विद्यालयाचे प्राचार्य गुरुराज माने यांनी केले. यानंतर विविध स्पर्धा परीक्षेतून यशस्वी झालेले विद्यार्थी यामध्ये एन.एम.एम.एस. सारथी, गांधी संस्कार परीक्षा व शिष्यवृत्ती परीक्षा या परीक्षांमध्ये शिष्यवृत्ती धारक गुणवंत विद्यार्थ्यांचे, उपस्थितांच्या हस्ते पारितोषिक देऊन सन्मान करण्यात आला. त्यानंतर विद्यार्थ्यांनी त्यांनी त्यांचे मनोगत व्यक्त केले. ग्रामस्थांमधून गव्हाणे श्रीपाल यांनी तसेच स्थानिक स्कूल कमिटी सदस्य व जि.प. उपाध्यक्ष राजेंद्रकुमार बारकुंड यांनी आपल्या भाषणामध्ये, विद्यालयाच्या उत्तरोत्तर होत असलेल्या प्रगतीची प्रशंसा केली. प्रमुख वक्ते गणेश करे-पाटील यांनी त्यांच्या भाषणातून कर्मवीरांनी सत्य आणि तळागाळातील समाजाला शिक्षित करण्यासाठी केलेले प्रयत्न अजरामर राहतील असे मनोगत व्यक्त केले. या कार्यक्रमासाठी ग्रामस्थांमधून आत्माराम नेमाने, बाळासाहेब कळसाईत, प्रमोद गव्हाणे, आकाश कांबळे, भिमराव पवार यांचे विशेष सहकार्य लाभले. तर उपस्थितांचे आभार विद्यालयाचे शिक्षक गोडगे.एल.व्ही यांनी मानले. हा कार्यक्रम यशस्वीपणे पार पाडण्यासाठी सर्व सेवकांनी परिश्रम घेतले.
Post a Comment