महाराष्ट्र शासन - कृषि विभाग कृषि तंत्रज्ञान व्यवस्थापन यंत्रणा (आत्मा) सोलापूर, कृषि विज्ञान केंद्र बारामती व ग्रामपंचायत मांजरगाव ता. करमाळा यांचे सयुक्त विद्यमाने, करमाळा तालुक्यातील पशुपालक शेतकरी यांचेसाठी कौशल्य आधारीत प्रशिक्षण कार्यक्रमांतर्गत "ओल्या चाऱ्यापासून मुरघास निर्मिती" या विषयावरील एक दिवसीय प्रत्यक्ष मुरघास निर्मिती कार्यशाळा/ प्रात्यक्षिक बुधवार दि. २८/०९/२०२२ रोजी सकाळी ठिक १०:०० वाजता, मौजे मांजरगाव येथे आयोजित करण्यात आली आहे. सदर कार्यशाळेसाठी कृषि विज्ञान केंद्र बारामती, येथील तज्ञ शास्त्रज्ञ डॉ. रतन जाधव, उपस्थित पशुपालक, शेतकरी तसेच शेतमजूर यांना मुरघास तयार करण्याबाबत मार्गदर्शन करणार आहेत. तसेच प्रत्यक्ष मुरघास तयार करणे. दुग्ध व्यवसाया मधुन जास्तीत-जास्त नफा कसा मिळवता येईल, मुरघासाचे दुग्ध व्यवसायातील महत्व या विषयी मार्गदर्शन करणार असुन, "मुरघास तयार करणे व त्याची साठवणूक" याविषयी प्रात्यक्षिक करून दाखविले जाणार आहे. याबरोबरच कोर्टी येथील प्रगतशील शेतकरी दुध उत्पादक तसेच दरवर्षी १०० टन मुरघास स्वतः तयार करणारे, प्रगतशील शेतकरी / पशुपालक श्रीमंत झाकणे हे सुद्धा उपस्थित शेतकऱ्याना मार्गदर्शन व मुरघासाचे प्रात्यक्षिक करून दाखविणार आहेत. तरी मांजरगाव व परिसरातील शेतकरी बांधवांनी सदर कार्यशाळेस उपस्थित राहून मार्गदर्शन घ्यावे. असे आवाहन कृषि विभाग व मांजरगाव ग्रामपंचायतीच्या वतीने करण्यात आले आहे.
Post a Comment