करमाळा-प्रतिनिधी (प्रशांत भोसले) जनशक्ती शेतकरी संघटना ही जात-पात, धर्म, पंथ न माननारी संघटना असून, मानवता हाच धर्म मानुन समाजातील अठरापगड जातीच्या, धर्माच्या लोकांना न्याय देण्यासाठी काम करणारी संघटना आहे. या संघटनेच्या माध्यमातून सत्तेवर ज्यांची मक्तेदारी आहे. त्यांची मक्तेदारी नष्ट करण्यासाठी गोरगरीब, कष्टकरी घरातील उमेदवारांना निवडणूकीमध्ये उभे करुन, त्यांना सत्तेवर बसविण्याचे काम संघटनेच्या माध्यमातून केले जाणार आहे. तालुक्यातील जनतेने आता पर्यंत आ.शिंदे, माजी आमदार पाटील, बागल यांना मते देवून मोठे केले. त्यांनी सत्तेचा उपयोग जनतेसाठी नव्हेतर स्वत:च्या कुटूंबासाठी केला. असा घणाघात करून जनशक्ती संघटना करमाळा तालुक्यातील पंचायत समिती व जिल्हा परिषदेच्या सर्व जागा ताकदीनिशी लढणार असल्याचे प्रतिपादन अतुल खूपसे-पाटील यांनी केले. आज दि.३० जुलै रोजी सकाळी करमाळा येथील दत्त मंदिर येथे जनशक्ती संघटनेचा कार्यकर्ता मेळावा घेण्यात आला यावेळी त्यांनी ही घोषणा केली.
Post a Comment