यशवंत, गुणवंत विद्यार्थ्यांना स्व. शिवाजी गुरुजी स्कॉलरशिपचे वितरण....

करमाळा-

        महाराष्ट्र दिनानिमित्त जिल्हा परिषद प्राथमिक शाळा पांडे, तालुका करमाळा येथे विविध मान्यवरांच्या हस्ते व जगताप परिवाराच्या उपस्थित 'स्व. शिवाजी गुरुजी' शिष्यवृत्तीचे वितरण करण्यात आले. जगताप गुरुजींचे शिक्षण ज्या प्राथमिक शाळेत झाले. त्याच शाळेचे मुख्याध्यापक आणि पुढे केंद्रप्रमुख म्हणून त्यांच्या कार्याचा अमिट ठसा त्यांनी उमटवला होता. याच कार्याच्या कृतज्ञतेतून त्यांच्या स्मरणार्थ सदर स्कॉलरशिपचे आयोजन दरवर्षी करण्याचा निश्चय जगताप परिवारातर्फे केला गेला आहे.

         यावर्षी इयत्ता सातवी मध्ये उत्तम गुण मिळवून प्रथम क्रमांक तनिष्का मनोहर घाडगे तसेच मुलींमधून पहिली आलेली गौरी सिद्धनाथ घोरपडे यांना स्मृतीचिन्ह, प्रमाणपत्र व स्कॉलरशिपची रक्कम प्रदान करण्यात आली. व त्यांच्या उज्ज्वल भवितव्यासाठी शुभेच्छ्या देण्यात आल्या. यावेळी नवनाथ जगताप आणि परिवार, ग्रामपंचायतीचे बाळासाहेब अनारसे, संदिपान दुधे, शिवाजी भोसले, पत्रकार दस्तगीर मुजावर व इतर मान्यवर, ग्रामस्थ तसेच शाळेचे मुख्याध्यापक आणि इतर शिक्षक वृंद उपस्थित होते.