करमाळा-
करमाळा विधानसभा मतदारसंघ गेली तीस वर्षांपासून शिवसेना धनुष्यबाण चिन्हावर लढवत आहे. यामुळे यावर्षी धनुष्यबाणावरच करमाळा मतदारसंघ निवडणूक लढवावी. अशी मागणी शिवसेनेचे करमाळा तालुका संपर्कप्रमुख रवी आमले यांनी मुख्यमंत्री एकनाथ शिंदे यांच्याकडे केली. यावेळी शिवसेना प्रवक्त्या ज्योतीताई वाघमारे, युवासेना जिल्हा प्रमुख प्रियदर्शन साठे, उप जिल्हाप्रमुख अनिल पाटील, युवासेना तालुकाप्रमुख नवनाथ गुंड, शिवसेना ओबीसी आघाडीचे जिल्हाप्रमुख सुरेश कर्चे उपस्थित होते. यावेळी करमाळा तालुका शिवसेनेच्या कार्याचा अहवाल मुख्यमंत्री एकनाथ शिंदे यांना सादर करण्यात आला. यावेळी रवी आमले म्हणाले कि, अजित पवार गटाचे विद्यमान आ. संजयमामा शिंदे यांनी अपक्ष उमेदवारी जाहीर केली आहे. यामुळे या मतदारसंघातून धनुष्यबाण चिन्हावर महेश चिवटे यांना उमेदवारी द्यावी अशी मागणी करण्यात आली. यावेळी एकनाथ शिंदे यांनी निवडणुकीचे राज्य निरीक्षक भाऊसाहेब चौधरी यांना करमाळा मतदारसंघाचा अहवाल मागून घेण्याचे सांगितले.
जिल्हाप्रमुख महेश चिवटे
Post a Comment