करमाळा- (सिध्दार्थ वाघमारे)
करमाळा शहरातील अनेक प्रमुख रस्त्यावरील चौकांमध्ये मोकाट जनावरांचा वावर असल्याचे आढळून येत आहे. त्यामध्ये प्रामुख्याने बस स्थानक व गायकवाड चौकात जास्त प्रमाणात मोकाट जनावरे वाहतुकीस अडथळा करून भर रस्त्यात उभारलेली व बसलेली असतात. त्याचा त्रास वाहनधारकासह-खेड्यापाड्यातून तसेच शहरातून येणाऱ्या शाळकरी मुला-मुलींना होताना दिसत आहे. गायकवाड चौक हा शहरातील प्रमुख रहदारीचा व वर्दळीचा चौक आहे. या चौकातून पुणे- मुंबई सह इतर लहान - मोठ्या शहरांकडे, खेड्यांकडे जाण्याचा मार्ग आहे. त्यामुळे या चौकात शहरातील इतर चौकापेक्षा वाहतूक जास्त प्रमाणात असते. त्याच प्रमाणे या चौकाच्या जवळच महात्मा गांधी हायस्कूल, यशवंतराव चव्हाण महाविद्यालय व इतर शाळा हायस्कूल असल्याने विद्यार्थी व वाहनधारकांची वर्दळ जास्त असते.
Post a Comment