करमाळा शहरातील एसटी बस स्थानक परिसरात अस्वच्छता व घाणीचे साम्राज्य पसरले होते. कचऱ्याचे ढीग व दुर्गंधीमुळे बस स्थानकामध्ये रोगराईचे वातावरण निर्माण झाले होते. याबाबत प्रा रामदास झोळ सर यांनी करमाळा आगार प्रमुखांशी चर्चा करुन, योग्य उपाय योजना करण्यासंदर्भात काही सुचना देखील दिल्या होत्या. याच वेळी प्रा. रामदास झोळ फाउंडेशनच्या वतीने 23 जुलै रोजी स्वच्छता अभियान राबवण्याचा निर्णय घेण्यात आला होता. त्या अनुषंगाने दि. 23 जुलै रोजी दत्तकला शिक्षण संस्थेचे अध्यक्ष प्रा. रामदास झोळ सर, सचिवा सौ. माया झोळ मॅडम यांच्यासह या स्वच्छता मोहिमेमध्ये स्वाभिमानी शेतकरी संघटनेचे जिल्हा कार्याध्यक्ष रवींद्र गोडगे, करमाळा बस स्थानकाचे आगार प्रमुख विरेंद्र होनराव, तालुकाध्यक्ष सुदर्शन शेळके, जिल्हा युवा नेते गणेश मंगवडे, अंजनडोहचे माजी उपसरपंच शहाजी माने, रयत क्रांती संघटनेचे जिल्हा उपाध्यक्ष दीपक शिंदे, स्वाभिमानी शेतकरी संघटनेचे सुहास काळे-पाटील, भाग्यश्री गरड मॅडम, प्रा. राजेश गायकवाड, काँग्रेस अल्पसंख्याक आघाडीचे करमाळा तालुकाध्यक्ष गफूर शेख, काँग्रेस आयचे उपाध्यक्ष आनंद झोळ या सर्वांनी करमाळा बस स्थानक व परिसराची स्वच्छता केली. याचबरोबर रोगराई पसरू नये म्हणून जंतुनाशक पावडर ही टाकण्यात आली.
विरेंद्र होनराव, करमाळा आगार व्यवस्थापक
Post a Comment