संघर्ष योध्दा मनोज जरांगे-पाटील यांच्या मराठा आरक्षण आंदोलनास करमाळा तालुक्यातील जनतेचा जाहीर पाठींबा....शंभूराजे जगताप

करमाळा-
            मागील जून महिन्यापासुन संघर्ष योद्धा मनोज जरांगे -पाटील यांनी मौजे अंतरवाली सराटी जि .जालना या ठिकाणी सुरू केलेल्या मराठा आरक्षण आंदोलनास, करमाळा शहरासह  तालुक्यातील जनतेचा उस्फुर्त जाहीर पाठींबा असून, मनोज जरांगे-पाटील यांनी मराठा समाजासाठी निस्वार्थपणे जन आंदोलन करून जो लढा उभारलेला आहे. त्यास फक्त मराठा समाजच नव्हे, तर संपूर्ण अठरापगड जातीच्या बांधवांचा सुद्धा पाठिंबा आहे. मराठा समाजातील कित्येक लोक आज ही मागास आहेत. शिक्षण घेण्यासाठी मराठा युवकांना आरक्षणाची गरज आहे. गुणवत्ता असून ही व आरक्षण नसल्यामुळे मराठा समाजातील यूवकांना नोकरी मिळत नाही हा खूप मोठा अन्याय आहे. जरांगे पाटलांची आरक्षणाची मागणी न्याय्य असून त्यामध्ये तिळ मात्र स्वार्थ दिसत नाही. 

           तालुक्यातील सर्व जाती -धर्माच्या लोकांचा मराठा आरक्षण जनआंदोलनास पाठींबा असून, स्वातंत्रपूर्व काळापासून करमाळा तालुक्यासह सोलापूर जिल्ह्याच्या राजकारण व समाजकारणात मराठा बांधवांसह  सर्व जाती-धर्मा सोबत जगताप गट नेहमीच उभा राहीला आहे. याचाच एक भाग म्हणून जगताप गटाचे यूवा नेते शंभूराजे जगताप, बाजार समितीचे संचालक दादासाहेब लबडे व सागर दोंड यांनी मराठा आंदोलनास पाठींबा देण्यासाठी, दि .१२ जून रोजी करमाळा तालुक्यातील सकल मराठा समाजातील युवक व बहुजन समाजातील नागरिकांना करमाळा येथून अंतरवाली सराटी येथे जावून, आरक्षण आंदोलनास पाठिंबा देण्यासाठी जाण्याबद्दल आवाहन केले होते. याअनुषंगाने जगताप गटाचे यूवा नेते शंभूराजे जगताप हे स्वतः गट-तट-पक्ष बाजूला ठेवून पाठिंबा देण्यासाठी सहभागी झाले होते. यावेळी तालुक्यातील ६० वाहनांमधून शेकडो यूवक सहभागी झाले होते.