नोबल इंग्लिश मिडियम स्कुलने वन संवर्धन दिनानिमित्त करमाळा येथील माळढोक पक्षी अभयारण्यास भेट देऊन, त्याठिकाणी वृक्षारोपण हि केले. यावेळी शाळेतील विद्यार्थ्यांनी अभयारण्य भेटीसाठी सर्वांनी उत्सुकतेने शाळेत हजेरी लावली होती. सदरच्या अभयारण्य भेटी दरम्यान विद्यार्थ्यांना मार्गदर्शन करण्यासाठी, वनविभागाचे शिंदे, आदलिंगे मॕडम, झिरपे, शेख व रेगुडे या अधिकाऱ्यांनी प्रमुख उपस्थिती लावली होती. यावेळी उपस्थित अधिकाऱ्यांचा शाळेच्या वतीने सह्रदय सत्कार करण्यात आला. यावेळी उपस्थित विद्यार्थ्यांना वनविभागाचे अधिकारी शिंदे यांनी माळढोक पक्षी अभयारण्याविषयी माहिती देताना सांगितले कि, सध्या संपुर्ण महाराष्ट्रात एकुण १५ माळढोक पक्षी असल्याचा प्राथमिक अंदाज आहे. माळढोक पक्षी उडत असताना विमानाप्रमाणे उडान घेतो. त्याचप्रमाणे तो वर्षातुन फक्त एकदाच आणि एकच अंडे घालतो. अशा अंड्याचे संरक्षण करुन त्यापासुन नामशेष होत असलेल्या माळढोकच्या उत्पत्तीकडे जातीने लक्ष देणे गरजेचे आहे. त्याचप्रमाणे निसर्गाचा समतोल राखण्यासाठी मोठ्या प्रमाणात वृक्ष लागवड करणे सुध्दा आता गरजेचे बनले आहे. असे प्रतिपादन शिंदे यांनी मांडले.
Post a Comment