नेरले वि.का. सोसायटीच्या विविध कागदपत्रांची दि. 24/2/2023 तसेच 21/4/2023 रोजी, नेरले ग्रामपंचायतीचे माजी सरपंच औदुंबरराजे भोसले यांनी सहाय्यक निबंधक करमाळा व सचिव यांना लेखी पत्राद्वारे मागणी केली होती. मागणी केल्याप्रमाणे काही कागदपत्रे दिली गेली, परंतु राहिलेली कागदपत्रे आज पर्यंत दिलेली नाहीत. कागदपत्रे न देण्यामागे सोसायटीच्या वतीने विविध कारणे सांगत, गोपनीयता राखण्यासाठी कागदपत्रे तुम्हाला देऊ शकत नाही. असे साधकबाधक कारणे दिली जातात. तरी सहकारी सोसायटीचा सभासद हा मालक असतो. सहकारी सोसायटीच्या सर्व वस्तू, कागदपत्रे, मालमत्ता याच्यावर सभासदांचा शंभर टक्के हक्क असतो. सचिव हा संस्थेच्या सभासदांचा नोकर आहे. याअनूषंगाने सभासदांनी मागितलेली माहिती देणे सचिवांना महाराष्ट्र सहकारी कायदा अधिनियमानुसार बंधनकारक असताना देखील माहिती दिली जात नाही.
नेरले सोसायटीमध्ये पंधरा ते वीस वर्षांपासून असलेले खरे सभासद वगळले गेले आहेत. व बोगस सभासद धाराशिव जिल्ह्यातील, माढा तालुक्यातील गणेश पांडुरंग पाटील, पूजा गणेश पाटील यांची नियमबाह्य नावे सचिवांनी समाविष्ट केलेली आहेत. एवढा अन्याय करून देखील ग्रामस्थ शांत आहेत याचा गैरफायदा सचिव घेत आहेत. अनेक वेळा कागदपत्रांची मागणी करून देखील सचिवांकडून माहिती दिली जात नाही. सचिवांची दादागिरी खपवून घेतली जाणार नाही. मागणी केलेली माहिती दि. 30/6/2023 पर्यंत न दिल्यास दि. 5/6/2023 रोजी सहाय्यक निबंध कार्यालयासमोर आमरण उपोषणास बसणार आहे. मागितलेली सर्व माहिती जोपर्यंत दिली जात नाही तोपर्यंत आमरण उपोषण सुरु राहणार आहे. तरी माझी शारिरीक स्थिती योग्य नाही. त्यामुळे मला गोळ्या सुरु आहेत व विविध उपचार हि सुरु आहेत.
Post a Comment