करमाळा तालुक्यातील आदिनाथ सहकारी साखर कारखान्याचा ॲडव्हान्स कोणी कोणी घेतला आहे? त्या वाहन मालकांची यादी जाहीर करावी. असे दशरथआण्णा कांबळे यांनी चेअरमन धनंजय डोंगरे यांना आवाहन केले आहे. कारखान्याच्या बाबतीतले कोण-कोण 'छुपा रुस्तम' आहेत? संचालकांचे सुध्दा असे कोणते नातेवाईक कारखान्याच्या लुटारुंच्या यादीमध्ये दडून बसले आहेत. त्यांची यादी नाव आणि रक्कमे सहित जाहीर करावी. व अशी यादी जाहीर करुन, चेअरमन पदाची कारकिर्द खऱ्या अर्थाने गाजवावी. त्यानंतरच आपण कारखाना निवडणुकीत शेतकरी सभासदांपुढे जावे. कारखान्याचे साडेबारा कोटी रुपये जर लुटारुंकडे असतील, व ते वेळीच वसुल केले असते तर कारखाना तीन वर्षे बंद राहिला नसता. व बारा कोटी रुपयांची भिक मागायची वेळ संचालक मंडळावर आली नसती.
Post a Comment