करमाळा-प्रतिनिधी
गेल्या दोन दिवसांपूर्वी करमाळा तालुक्यातून बऱ्याच राष्ट्रवादीच्या कार्यकर्त्यांनी, भारतीय जनता पार्टीमध्ये जाहीर प्रवेश केला. अशा प्रकारच्या बातम्या प्रसार माध्यमातून मोठ्या प्रमाणात आल्या. व अशा प्रकारचा करमाळा तालुक्यातून भाजपामध्ये झालेला जाहीर प्रवेश, म्हणजेच राष्ट्रवादीला खूप मोठा धक्का मानला जात होता. परंतु कदाचित राष्ट्रवादीला हा धक्का मानणाऱ्या लोकांना हे माहीत नसावे की, राष्ट्रवादी ही कुणाच्या मालकीची नाही, ती व्यक्ती केंद्रित नाही. ती विचारांशी आणि जनमानसाच्या आवाजातून निर्माण झालेली पार्टी आहे. या पार्टीमध्ये विचारांशी आणि जनमानसाशी प्रामाणिक असणाराच व्यक्ती या ठिकाणी तग धरू शकतो. हे आजपर्यंतचा इतिहास सांगतो. या पार्टीमध्ये स्वार्थी आणि अप्पलपोटी लोकांना कोणतेही स्थान नाही. स्वार्थ आणि संधीसाधू लोकं याठिकाणी जास्त काळ टिकू शकत नाहीत. खऱ्या अर्थाने त्यांच्या संयमाचा आणि कार्यकर्ता होण्याचा कस येथे लागतो. 
Post a Comment