करमाळा-प्रतिनिधी
बंद स्थितीतील आदिनाथ स.सा.कारखाना संचालक मंडळाच्या ताब्यात आल्यानंतर, गेले तीन-चार महिने तो सुरू करण्याच्या हालचालींनी वेग घेतला आहे. मध्यंतरी काही उत्साही मंडळींकडून एक-दोन वेळा कारखाना सुरू होण्याच्या तारखा देखील जाहीर करण्यात आल्या. त्या अनुषंगाने कारखाना सुरू होण्याच्या दृष्टीने नेमकी तयारी कुठपर्यंत आली आहे. याची मिमांसा सर्वांनाच माहीत व्हावी. या दृष्टीने संचालक मंडळ, राजकीय नेते आणि कारखाना सभासद यांची महत्त्वाची बैठक कारखाना स्थळावर, उद्या रविवार दि.२० रोजी आयोजित करण्यात आल्याची माहिती कारखान्याचे माजी कार्यकारी संचालक हरिदास डांगे यांनी दिली आहे. पुढे बोलताना हरिदास डांगे यांनी सांगितले आहे की, कारखाना सुरू होण्याच्या अंतिम टप्प्यात काम आलेले आहे. कारखाना सुरू होणार आहेच, परंतु काही आर्थिक अडचणींवर मात करण्यासाठी कारखान्याच्या सभासदांनी शेअर्स पूर्ण करण्याची गरज आहे. सभासदांनी हे लक्षात घेतले, तर या हंगामात कारखाना नक्कीच सुरू होईल, अशी हमी डांगे यांनी दिली आहे.
Post a Comment