करमाळा- तालुक्यात काही गावात रेशन किटचे वाटप झाले असले तरी तालुक्यातील अजून 35 गावात, दिवाळी निम्मी संपली तरीही पामतेल, साखर, रवा, चणाडाळ या कीटचे वाटप झालेले नाही. तरी येथील रेशन कार्डधारकांना लवकरात-लवकर या किटचा लाभ मिळावा. अशी मागणी ॲड. राहुल सावंत अध्यक्ष करमाळा तालुका हमाल पंचायत व पंचायत समिती माजी सदस्य यांनी केली आहे. गोरगरीब कुटुंबाची दिवाळी गोड करण्यासाठी राज्य सरकारने केवळ शंभर रुपये मध्ये एक लिटर पामतेल आणि प्रत्येकी एक किलो साखर, रवा, चणाडाळ या चार वस्तूंचे किट देण्याचा निर्णय घेतला आहे. परंतु दिवाळी निम्मी संपली तरी अद्याप करमाळा तालुक्यातील शासकीय गोदामातून अजून 35 गावात रेशन दुकानाकडे या किटचे वाटप सुरू झालेले नाही. सध्या चार वस्तूं पैकी रवा, साखर, पामतेल गोदामा पर्यंत आले आहे. परंतु ठेकेदार यांनी चणाडाळ अद्याप पोहोच केलेली नाही.
Post a Comment